ЭГЕМЕНДҮҮЛҮКТҮН 35 ЖЫЛДЫГЫ МЕНЕН!!!Үч-Коргон айыл өкмөтүндө Кыргыз Республикасынын Эгемендүүлүгүнүн 35 жылдыгына карата салтанаттуу майрамдык иш-чара жогорку деңгээлде өткөрүлдү.
Эгемендүүлүк — элибиздин эркиндигин, мамлекеттүүлүгүн, биримдигин жана жаркын келечекке болгон ишенимин айгинелеген ыйык баалуулук.
Майрамдык иш-чарага айыл өкмөтүнүн кызматкерлери, айылдык кеңештин депутаттары, айыл өкмөт аймагындагы мекеме ишканалар, айыл тургундары жана жаштар катышып, өлкөбүздүн эркиндигин даңазалаган салтанаттуу маанайда белгиленди.
Иш-чаранын жүрүшүндө концерттик программа тартууланып, мекенчилдикти даңазалаган ыр-бийлер, көркөм номерлер, көл өнөрчүлүк жана улуттук тамак аштардын көргөзмөсү көрүүчүлөргө жагымдуу маанай тартуулады.
Мындан сырткары, сергек жашоо образын жайылтуу жана жаштар арасында ынтымак-достукту бекемдөө максатында спорттук оюндар жана мелдештер уюштурулуп, катышуучулар өздөрүнүн күчүн, шамдагайлыгын жана спорттук чеберчилигин көрсөтүштү.
Майрамдык иш-чара улуттук баалуулуктарды даңазалаган, мекенчилдик сезимди арттырган жана элдин биримдигин бекемдеген өзгөчө маанайда өттү.
Эгемен Кыргызстаныбыздын келечеги кең, элибиздин ынтымагы бекем болсун!
Кыргыз Республикасынын Эгемендүүлүгүнүн 35 жылдыгы кут болсун!Кыргызстаныбыз түбөлүккө эгемендүү, эркин жана өнүккөн мамлекет болсун!
